Гарын авлага

Миний тухай

Овог: Шийлэг
Нэр: Гангэрэл
Мэргэжил: Мэдээл зүйн багш
Дуртай өнгө: Цагаан

Нүүр

Та бүхэнд энэ өдрийн мэндийг хүргэе.

Оюутан солилцоо

Швейцарийн Холбооны Улсын Багшийн Дээд Сургуульд 2014-2015 оны хичээлийн жилд тэтгэлэгтэй суралцах оюутнууд тодорлоо

МУБИС – ГХС-ийн Герман Хэл Аргазүйн Тэнхэм нь 2006 оноос эхлэн Швейцарийн Холбооны Улсын Тургау мужийн парламентийн гишүүн асан Анита Фарнигийн удирдан явуулдаг  “Хэлний сургалт ба багш боловсрол” хөтөлбөрийн хүрээнд  нийт 21 оюутныг Швейцарийн Холбооны Улсын Багшийн Дээд Сургуульд 100% тэтгэлэгтэй (оюутан бүрт жилийн 13,000 CHF буюу 23 сая төгрөгийн) нэг жилийн хугацаатай суралцуулаад байна. Ирэх 2014-2015 оны хичээлийн жилд тус тэнхмээс
ГХБ-3-р ангийн оюутан  Б. Мяндсан, 
2-р ангийн оюутан Ц. Дуламрагчаа, Ц. Лхагвадулам, Б. Түвшинзаяа нар шалгарч Швейцарь улсыг зорих боллоо.

Шалгарсан оюутнууддаа амжилт хүсч, сайн сайхныг хүсье.

МУБИС-ГХС-Герман Хэл Аргазүйн Тэнхэм

2014 оны 4 дүгээр сар 18

Ажлын байр

МОНГОЛ УЛСЫН БОЛОВСРОЛЫН ИХ СУРГУУЛЬД БАГШ ШАЛГАРУУЛЖ АВНА

ТАВИГДАХ ЕРӨНХИЙ ШААРДЛАГА:
МУБИС, МУИС болон гадаадын их дээд  сургуулиудыг  магистр болон түүнээс дээш зэрэгтэй төгссөн, ерөнхий боловсролын сургууль  болон   их дээд  сургуулиудад  багшилж байсан болон багшилж байгаа, багшлах туршлагатай, судалгааны арга зүй эзэмшсэн,  гадаад хэл (англи, орос), сурган  хүмүүжүүлэх ухаан, боловсрол судлалын зохих  мэдлэгтэй, мэдээлэл харилцаа технологийн хэрэглээний чадвар  эзэмшсэн, багаар ажиллах чадвартай, оюутнуудтай харилцах эв дүйтэй, бүтээлч сэтгэлгээтэй,  боловсролын шинэчлэлд нээлттэй,  тогтвор суурьшилтай ажиллах,  багшийн ёс зүйг сахидаг байх.

№	Сургуулиуд	Мэргэжлийн чиглэл	Шалгаруулж авах багшийн тоо	Тусгай шаардлага
1	Багшийн сургууль	Монгол хэл- дидактик	1	Их дээд сургууль болон ЕБС-д монгол хэл- дидактикийн чиглэлээр 2-оос дээш жил ажилласан  багшлах туршлагатай, боловсролын шинэчлэлийн бодлого, зорилго, зорилтын талаар зохих мэдлэгтэй,  онолын мэдлэг, заах аргазүйн хувьд туршлагатай байх.
3	Гадаад хэлний сургууль	Англи хэл	1	Их дээд сургууль болон ЕБС-д  багшилж байсан туршлагатай, бакалаврын диплом нь “Англи хэлний багш” мэргэжилтэй, магистр буюу түүнээс дээш зэрэг цолтой,  байхаас гадна TOEFL, IELTS-ийн шалгалтын өндөр оноотой байх.
4	Байгалийн ухааны сургууль	Микробиологи	1	Их дээд сургууль болон эрдэм шинжилгээ судалгааны байгууллагад ажиллаж байсан, багшлах туршлагатай байхаас гадна мэргэжлээрээ магистр болон түүнээс дээш зэрэгтэй байх,
		Эрүүл мэнд	1	Их дээд сургууль, ЕБС ажиллаж байсан багшлах  болон судалгаа шинжилгээний ажлын туршлагатай, магистр болон түүнээс дээш зэрэгтэй,  эрүүл мэндээс гадна биологийн мэргэжлээр   хөрвөж ажиллах боломжтой, чадвартай байх.
		Генетик, молекул биологи	1	Их дээд сургууль болон эрдэм шинжилгээ, судалгааны байгууллагад ажиллаж байсан багшлах  болон судалгаа шинжилгээний ажлын туршлагатай, генетик, молекул биологоор доктор хамгаалсан байх
		Газарзүй	1	Их дээд сургууль болон ЕБС-д багшилж байсан болон шинжлэх ухаан боловсролын байгууллагад ажиллаж байсан туршлагатай, судалгааны ажил хийх чадвартай байх. / Олон улсад хүлээн зөвшөөрөгдсөн их дээд сургууль төгссөн бол давуу тал гэж үзнэ./
5	Дүрслэх урлаг технологийн сургууль	Дүрслэх урлагийн онол, өнгөт зураг, хар зураг	1	Их дээд сургууль болон ЕБС-д багшилж байсан туршлагатай,  дүрслэх урлагийн онол,  өнгөт, хар зураг   хичээлийн агуулга арга зүйг судалсан,  хичээл заах мэргэжлийн бэлтгэл, чадвартай, тогтвор суурьшилтай, багаар ажиллах чадвартай,  хариуцлагатай байх.
6	Сургуулийн өмнөх боловсролын сургууль	Бага насны хүүхдийн хэл заах арга зүй	1	Сургуулийн өмнөх насны хүүхдийн СХУ, сэтгэл судлалын болон сургуулийн өмнөх боловсролын багшийн мэргэжилтэй, сургуулийн өмнөх насны хүүхэдтэй ажилласан туршлагатай, судалгаа шинжилгээ хийх аргазүйд суралцсан байх.
7	Архангайн багшийн сургууль	Математик	1	Их дээд сургууль болон ЕБС- д  5-аас дээш жил багшилж байсан болон багшилж байгаа,  тухайн мэргэжлээрээ онолын болон заах аргазүйн өндөр чадвартай байх
		Англи хэл	1	DynEd-ийн Англи хэлний сургалтын хөтөлбөр хэрэгжүүлэхтэй холбоотойгоор магистр буюу түүнээс дээш зэрэг цолтой, бакалаврын диплом  нь “Англи хэлний багш” мэргэжлээр төгссөн. 5-аас дээш жил ажилласан багшлах ажлын туршлага, мэдлэг ур чадвартай байх. / ОУ-ын TOEFL, IELTS-ийн өндөр оноо авсан байх./
	Нийт багшийн тоо		10

Бүртгэл: 2013 оны 12 дугаар сарын  23- наас 01 сарын 17- ны  хооронд МУБИС-ийн А байрны 203 тоотод явагдана.
Бүртгүүлэхдээ:  CV,  Бакалавр, магистр, докторын дипломын баталгаажуулсан хуулбар,  төрийн албаны нэгдүгээр маягт, ажил  байдлын тодорхойлолт, иргэний үнэмлэхний баталгаажуулсан хуулбар,   нэг хувь  цээж зураг /3*4/,  шалгалтын хураамж 20000 төгрөг тус тус авч ирнэ үү.
2014 оны  01 сарын  20 -ноос 23-ны  өдрүүдэд дараах чиглэлээр явагдана. Үүнд:
Шалгалт:
Мэргэжил
Гадаад хэл (Англи болон орос хэл )
Мэдээлэл харилцаа технологийн хэрэглээний чадвар
Боловсрол судлалын орчин үеийн асуудлууд
Холбогдох утас: 311547,  323102, 9979-1171

УИХ-ын дарга Зандаахүүгийн Энхболд өнөөдөр МУБИС-д зочилж багш, оюутан залуучуудтай уулзалт хийлээ

ИХ-ын дарга Зандаахүүгийн Энхболд МУБИС-д зочилж багш, оюутан залуучуудтай уулзалт зохион байгуулж, англи хэлний цахим сургалтын хөтөлбөрийн хэрэгжилтийн байдал, оюутнуудын бүтээн туурвисан сургалтын цахим хэрэглэгдэхүүнтэй танилцав. УИХ-ын дарга ярилцлагын үеэрээ МУБИС-д тэтгэлэгтэй суралцах хөтөлбөрийг өргөжүүлэх, бага ангийн багшийн цалин хөлсийг нэмэгдүүлэхэд онцгойлон анхаарч ажиллахаа илэрхийлэв.

Дуу

 www.youtue.com
Жавхлангийн дуу
Намсрайноров
Амаржаргал
Бат-эрдэнэ
Баясгалан

Photoshop програмын тухай

Adobe Photoshop програм нь зургийн файлтай ажилладаг програм юм. Энэхүү програм нь фото болон төрөл бүрийн зургийг засварлах, зураг эвлүүлэн зохиомжлох, зураг зурхад зориулагдсан програм юм. Мөн хэвлэлийн эх бэлтгэхэд өргөн ашигладаг. Сонин сэтгүүл хаяг, реклам, танилцуулга, сав баглаа боодолд ашиглагдах зураг, текст зэргийг өвөрмөц зохиомжлон хийж болно.

Энэхүү програмыг сайтар эзэмшсэнээр бүхий л амьдралынхаа турш ганц ч зураг зурж үзээгүй хүн өөрийнхөө уран сайхны торгон мэдрэмжээрээ өөрийн бодлыг маш гайхалтайгаар бодит дүрслэл болгон хэрэгжүүлэхэд хамгийн сайн туслагч нь болж чадна.

Тус програм дээр *.psd, *.jpg, *.eps, *.bmp, *.tif гэх мэт маш олон төрлийн зурагтай ажиллах боломжтой бөгөөд зурсан зурсан зургаа өөр өөр өргөтгөлтэйгөөр (төрөлтэй) файл болгон хадгалах боломжтой бөгөөд төрлөөс хамааран янз бүрийн шинж чанартай байдаг.

Adobe Photoshop програм дээр ер нь шинээр зураг зурхаасаа илүү бэлэн зургийн файлууд дээр (хуучин зураг) боловсруулалт хийх нь илүү тохиромжтой. Та боловсруулах гэж байгаа файлаа (зургаа) ямар нэг байдлаар компьютертээ оруулаад хадгалсан байх ёстой.

Тоон дүрслэл:

Компьютер дээр ажиллаж болох бүх мэдээллийн төрлүүд, түүнчлэн дүрслэн үзүүлэх график зургуудыг тоон хэлбэрт (коджуулсан ) хөрвүүлсэн байдаг. Зураг, график файлуудыг 2 ангилна.

- Растерын график (цэгийн цугларалтаар)

- Векторын график (математик объектоор ) зурна.

Adobe Photoshop програм нь растерын графиктай ажилладаг програм бөгөөд векторын графикийг ачаалахад растерчлан (цэгчлэн) хөрвүүлдэг.

Растерын график:

Растерын графикийг цэгэн дүрслэл гэж нэрлэж болно. Растерын график нь компьютер, дэлгэц, сканер зэрэг төхөөрөмж үүсэхээс олон зуун жилийн өмнө хүмүүс түүнийг өдөр тутмын ажил амьдралдаа ашигладаг байжээ. Зураач нар бүтээл туурвихдаа ”тор”-н байгууламжаар зурсан бүдүүвч зураг гарган дараа нь тусгайлан бэлтгэсэн таар эсвэл картонан цаасан (ханан зураг) дээр буулгахад ашигтай энэ аргыг сонгодог байв.

Растерын график нь нягтралаас бүрэн хамааралтай бөгөөд нягтрал нь нэгж хавтгайд ногдох цэгийн тоогоор тодорхойлогдоно. Растерын график файлыг томруулан хэвлэхэд зургийн чанар муудна.

Растерын графикийн багагүй чухал чанар бол фотолог чанар юм. Гэвч растерын график нь үндсэн хэд хэдэн дутагдалтай байдаг. Растерын графикийн програм дээр ямар нэгэн зүйл зурж эхлэнгүүт анхны алхмаас мэдрэгдэх ба энэ нь зураг зурж эхлэхээс өмнө тодорхой зөвшөөрөгдсөн утгууд (нэгж урт дахь цэгийн тоо, өнгөний харьцаа, нэгж цэг дэх битийн тоо) болон зургийн хэмжээ зэргийг ажлаа эхлэхээс өмнө мэдсэн байх шаардлагатай. Дараа нь эдгээр утгуудыг өөрчилж болох боловч олон удаа өргөн зайнд ямар нэг алдаагүйгээр хийгдэх боломжгүй юм.

Зурган файлынхаа нягтралыг өндөр байлгах юм бол тухайн зураг чанар сайтай хэвлэгдэнэ. Нягтрал өндөр болох тутам файлын хэмжээ дагаад их болно. Файлын хэмжээг аль болох бага байлгах хэрэгтэй. Иймээс таны боловсруулж байгаа файл (зураг)-ынхаа нягтралыг өндөр, хэмжээг бага байлгахыг зориорой.

Хамгийн өндөр нягтралтай хэмжээ багатай зургийн файлын төрөл JPEG юм.

Векторын график:

Векторын графикт бүх зургууд нь математикийн объектын төрлүүд болох зураасаар илэрхийлэгддэг. Зураас бүр биеэ даасан бусдаас хамааралгүй бөгөөд зөөх, хэмжээ ихэсгэх, багасгах зэрэг хязгааргүй олон өөрчлөх боломжтой. Векторын графикийг растерын графиктай харьцуулахад олон давуу талууд байдаг.

Дискний орон зайн хэмжээнд вектор график нь хэмнэлттэй бөгөөд энэ нь зураг хадгалахад зайлшгүй шаардлагатай. Үүний гол учир нь растерын графикт нэгж талбайд ногдох цэгийн тооноос түүний файлын хэмжээ шууд пропорциональ хамааралтай байдаг бол вектор график нь нэгж тооны зураасаар дүрслэгддэг учраас түүний файлын хэмжээ растерын графикаас бага байна.

Вектор графикийн объектууд хувирахдаа энгийн бөгөөд тэдгээрт нарийн төвөгтэй үйлдлүүдийг хийхэд хялбар ба энэ нь дүрсийн чанарт ямар ч нөлөө үзүүлдэггүй.

Вектор график нь нарийвчлалаас хамааралгүй тиймээс векторын график файлыг жижгэрүүлэн, томруулан хэвлэхэд зургийн чанар хэвээр хадгалагдана. Хамгийн өргөн хэрэглэгддэг вектор графикийн програмууд нь Corel Draw, Adobe Illustrator, Macromadia Free Hand гэх зэрэг юм.

Гэвч нөгөө талаар вектор графикийн дүрслэл цэвэр уран зургийн үйл ажиллагаанд хязгаарлагдмал, фото зургийн хувьд зориулагдаагүй.

Гол дутагдалтай тал нь програмаас хамааралтай бөгөөд програм болгон өгөгдлийг өөрийнхөө үндсэн форматад хадгалдаг учраас зураг зөвхөн тухайн програмд зориулагдан хийгддэг. Иймээс өөр програмаас алдагдалгүйгээр зөөвөрлөгддөг байна.

Adobe фирмийн хувьд вектор болон растерын графикийн програмын файлууд нь хоорондоо шилжин ашиглах бүрэн боломжтой.

Зургийн нягтралын тухай:

Зургийн нягтрал буюу Resolution нь нэгж талбайд ноогдох цэгийн тоогоор тодорхойлогдоно. Pixel per inch нэг инчид ноогдох цэгүүд. Өөрөөр хэлбэл 1inch (2.54см) доторх цэгүүдийн олонлог. Adobe Photoshop-д зургийн нягтралыг өөрчилж болдог ба ихэвчлэн зургийг 72ppi- тайгаар дүрсэлсэн байдаг. Ихэнх зураг 72ppi-тай байдгын учир нь дискэнд бага зай эзэлдэг. График (зураг) файлын Resolution гэдэг нь тус файлын нарийвчлалын зэрэг буюу нягтрал юм.

Дэлгэцийн нягтралын тухай:

Дэлгэцийн нягтралыг dot per inch буюу 1inch (2.54см)-д ноогдох цэгийн тоогоор хэмждэг. Бидний хэрэглэдэг ихэнх дэлгэц 96dpi-аар дүрслэгддэг. Дэлгэцийн нягтралыг мэдсэнээр дэлгэц дэх зураг хэвлэгдсэн зурагнаас яагаад ялгаатай байдгыг мэдэх болно. Дэлгэцийн нягтралаас өндөр нягтралтай зургийг дүрслэхэд зураг сонгосон хэмжээнээсээ томоор харагдана (зургийн хэмжээ өөрчлөгдөхгүй зөвхөн томоор харагдана).

Жишээлбэл: 144ppi нягтралтай зургийг 72dpi-тай дэлгэцэнд 1² инчээр дүрслэхэд энэ нь дэлгэцэнд 22 инч хэмжээгээр харагддаг. Учир нь дэлгэц 72 dpi-аар дүрслэх бөгөөд 144 ppi-тай зургийг дүрслэхэд 22 инч талбай шаардагдана.

Өнгөний модель:

Adobe Photoshop програмд өнгө нь дэлгэцний өнгө болон хэвлэгдэх өнгөнд ашиглагддаг хэд хэдэн өнгөний модель, загваруудаас бүрдэнэ. Энэ өнгөний загварууд нь Adobe Photoshop програмын үндсэн ойлголтуудыг нэг юм.

RGB, Grayscale, CMYK болон Lab өнгөний моделиуд нь Adobe Photoshop програмд байнга хэрэглэгддэгээс гадна Duotone, Indexed, Multichannel зэрэг тусгай өнгөний чадамжуудыг агуулсан байдаг.

RGB өнгийн модель:

RGB(RED, Green, Blue) өнгөний модель нь эдгээр 3 өнгөөр маш олон өнгийг дүрслэх чадвартай байдаг. RGB өнгөний нэгдлээр хүний нүдэнд хамгийн их үзэгддэг цагаан өнгө үүсгэдэг.

Red 246

Green 20

Blue 50 тус бүр өнгөний шатлалтай. RGB дан 3 өнгөөр 16,7 сая гаруй бүтэн өнгийг дэлгэцэнд дүрсэлдэг. RGB-ын давхцсан өнгүүдээр CMY өнгө үүсгэдэг.

Red-Blue өнгөний нэгдлээр Magenta

Red-Green өнгөний нэгдлээр Yellow

Green – Blue өнгөний нэгдлээр Cayn өнгө тус бүр үүсдэг. CMYK өнгөн дээр мөн адил ийм байдлаар RGB өнгө үүсдэг

CMYK өнгөний модель:

CMYK (Cayn, Magenta, Yellow, Black /B-ийн оронд K бичдэг нь Blue-тай эндүүрэхгүйн тулд/) өнгөний модель нь уусамтгай чанарыг шингэн аргаар хэвлэдэг. Цэвэр Cayn, Magenta, Yellow 3 өнгөний нэгдлээр хар өнгө үүснэ. Мөн хар нь биеэ даасан өнгө байдаг. Эдгээр 4-н өнгө хэвлэлийн бүх өнгийг үүсгэдэг.

Lab өнгөний модель:

Гэрэлтэлт нь дотроо 2 найрлагатай

1. Ногооноос улаан руу

2. Цэнхрээс шар руу

Lab өнгө нь Adobe Photoshop-д нэг өнгөнөөс нөгөө өнгөнд шилжихэд зориулагдсан завсрын өнгөний модель юм.

Bitmap өнгөний модель:

Энэ модель нь цэгээр төлөөлөгдсөн зурганд хар ба цагаанаар дүрслэгдэнэ. Өөрөөр хэлбэл зураг нь хар ба цагаан гэсэн 2 өнгөнөөс тогтоно.

Grayscale өнгөний модель:

Саарал өнгөний 256 шатлалтай. 0% цагаанаас 100% хар руу шатлагдсан өнгө юм.

          Doutone өнгөний модель:

Энэ модель нь Grayscale өнгөн дээр 1-3 өнгө нэмж завсрын өнгө гаргадаг.

Indexed Color өнгөний модель:

Indexed Color руу шилжүүлэхдээ Adobe Photoshop нь CLUT өнгө салгах хүснэгтийн тусламжтайгаар салгалт хийж 256 өнгө хүртэл индексжүүлдэг.

Multichannel өнгөний модель:

Саарал өнгөний 256 түвшин бүхий сувгуудыг ашигладаг.

Juice програмын тухай

Description:
Juice allows you to create your own online audio content from audio sources on the web. It is a small program that runs on your computer. Its only purpose is to download audio files, usually mp3s, directly to an mp3 device.

Хэрэв та вэб аудио эх үүсвэрээс өөрийн онлайн аудио агуулгыг үүсгэх боломжийг олгоно. Энэ нь таны компьютер дээр ажиллаж байгаа нь жижиг програм юм. Түүний цорын ганц зорилго нь шууд mp3 төхөөрөмж аудио файлуудыг ихэвчлэн MP3-уудыг татаж авах явдал юм.

Манай хамт олон

 

 

 

Тэнхимийн товч түүх:

Программчлалын тэнхим анх 1991.9.1-нд Мэдээлэл зүй тооцоолон бодох математикийн тэнхим нэртэйгээр байгуулагдсан. 1993.01.30-с Мэдээлэл зүй хэрэглээний математикийн тэнхим, 1994.08.31-с Тооцоолох математик-Програмчлалын тэнхим, 1996.09.09-с Информатикийн тэнхим, 1997.09.01-с Компьютерийн тэнхим, 2000.08.26-с Програмчлалын тэнхим, 2005.03.15-с Програмчлал дидактикийн тэнхим нэртэйгээр тус тус үйл ажиллагаагаа явуулж байжээ. МУБИС-ийн захирлын 2011.09.22-ны өдрийн 306 тоот тушаалаар бүтцийн хувьд өөрчлөгдөн Программчлалын тэнхим нэртэй болсон.

Тэнхимийн зорилго:
МУБИС-ийн эрхэм зорилго, зорилтыг биелүүлэхэд Мэдээлэл зүй, программчлалын судалгаа, сургалт, үйлчилгээний бодит хувь нэмэр оруулахын зэрэгцээ аль ч шатны сургалтад программчлалын мэдлэг чадварыг эзэмшихэд чанартай үйлчлэх.
Тэнхимийн үйл ажиллагаа:
Тус тэнхим нь Мэдээлэл зүй-математикийн багшийн бакалавр, Мэдээлэл зүйн магистрын сургалтыг хариуцдаг. Программчлалын суурь мэдлэг чадварыг оюутанд олгохын зэрэгцээ ангийн ажил, дипломын ажлын сэдэв чиглэлийг гаргах, удирдах, хамгаалуулах ажлыг чанартай гүйцэтгэдэг. Магистр, докторын дипломын ажилд мэргэжлийн үүднээс үнэлэлт дүгнэлт өгөх анхан шатны нэгж болж байна. Мөн багшийн цагийн ачааллыг тодорхойлж, төгсөлтийн дараах төрөл бүрийн сургалтанд өнөөгийн хэрэгцээ шаардлага дээр үндэслэн боловсролын үйлчилгээг үзүүлдэг. Багш нарын судалгаа эрдэм шинжилгээ, арга зүйн ажлыг үр дүнтэй хэрэгжүүлэх, чанаржуулах зорилгоор тэнхимийн семинарыг тогтмол зохион явуулдаг. Төгсөгчдийнхөө мэдлэг чадварын түвшинд судалгаа хийж, түүний үр дүнг харгалзан сургалтын арга зүйд тодорхой шинэчлэл хийдэг.